અવર્ણનીય થઈ જાશે

 કરશે પ્રેમ નિઃસ્વાર્થથી, તો પ્રેમ અવર્ણનીય થઈ જાશે

ખુશ્બુ દિલથી માણશે, તો ફૂલ અવર્ણનીય થઈ જાશે

જીવનની મોહજાળમાં ફસ માં, મોજ વિખૂટી થઈ જાશે

મોહજાળ તોડી તુ ઈશને મળ, મનુ ધન્ય થઈ જાશે

ડગ ભર તુ હિંમતથી, ચઢાણ આસાન થઈ જાશે

તપે જો કંચન લાલચોળ, ચમક અવર્ણનીય થઈ જાશે

સત્કર્મનો તુ કર નશો, એ જીવન જામ થઈ જાશે

જીવનાં પળે પળના શ્વાસ ધન્ય, સરેઆમ થઈ જાશે

રોશની કર વિશ્વાસથી, દિપક- જ્યોત પ્રજ્વલિત થઈ જાશે

એ વિશ્વાસની રોશનીથી, જીવન અવર્ણનીય થઈ જાશે