જીવને નવી શરુઆત આપી

 આશ, ઈચ્છા કંઈક ખાસ આપી, જીવને નવી શરૂઆત આપી.

મુક્ત મનને પાંખ આપી, જીવને નવી શરૂઆત આપી.

ભૂલો થઈ હશે ઘણી! કોણ છે જેનાથી ન થાય?

ભૂલો બાદ અનુભવની વાચા આપી, જીવને નવી શરૂઆત આપી.

માત્ર હોવું એ પૂરતું નથી જગમાં, રોજ નવીનતર થવું પડે;

નવીનીકરણ કરવાની હિંમત આપી, જીવને નવી શરૂઆત આપી.

અથડાયાં છે, પડ્યાં છે, ઘાવ અનેરાં ઝીલ્યાં છે;

એમાં આશ મલમની રાહત આપી, જીવને નવી શરૂઆત આપી.

સુવાસિત કરો મનુષ્યતાને, ઈશ દીધેલી અનેરી સોગાત છે;

આગવી ઓળખની જાત આપી, જીવને નવી શરૂઆત આપી