મૌન
"મમ્મી! આ શું છે?" કિંજલે તેની મમ્મીનાં ફોનના મેસેજ જોતાં કહ્યું.
"શું છે ? બેટા!" રસોડામાંથી જવાબ આવ્યો.
"અરવિંદ અંકલ તમને આ કેવા મેસેજ કરે છે!" કિંજલે આશ્ચર્ય સાથે કહ્યું.
રસોડામાં દાળનો ચમચો મમ્મીનાં હાથમાંથી છૂટી ગયો. સ્તબ્ધ હૃદયે મમ્મી કિંજલની સામે આવ્યા પણ કશું બોલી ન શક્યા.
કિંજલે પૂછયું,"શું આ સત્ય છે?"
જવાબ- મૌન.
"હું તમને મારી નાનામાં નાની દરેક વાત કહું છું. આપણે બન્ને માં- દીકરીથી વધુ મિત્રો છીએ. આ દુનિયામાં મારી સૌથી ખાસ બહેનપણી તમે છો... પણ તમે આજે મારો વિશ્વાસ તોડ્યો છે. દુઃખ એ વાતનું નથી કે તમારો સંબંધ... પણ તમે મને જણાવવાનું પણ જરૂરી..." રડતાં રડતાં કિંજલ એટલું જ બોલી શકી.
મમ્મીનાં જવાબમાં ફરીથી ફક્ત- મૌન.
ટિપ્પણીઓ
ટિપ્પણી પોસ્ટ કરો