ઈશની દેન - દિકરી

 દીકરાની મોહ- માયામાં, કેમ તરછોડી દીકરી

સ્વીકારશો જો પ્રેમથી, તો બનશે તમારી લાડકી

નસીબદાર એ નર 'ને ઘર, જ્યાં જન્મી છે દીકરી

પાંગળું પ્રારબ્ધ ખીલી ઊઠે, જ્યાં અવતરે એ લાડકી

કહે છે ' કુળ તારે દીકરો ને ભવ તારે છે દીકરી'

દૂધ સાગરમાં વારંવાર, કેમ વહેતી એ લાડકી

સંકુચિત એ સ્નેહ જે ભેદ કરે દીકરો ને દીકરી

કુળને કાજે કાળીકા બને, ને રક્ષે કુટુંબ એ લાડકી

ઈશની દેન, નિઃસ્વાર્થ પ્રેમ ને ભવ- ભવના પુણ્ય છે દીકરી

વંચિત વન એ રહી ગયું, જ્યાં અવતરી નથી એ લાડકી