પાછળ રહી ગઇ મૂડી

 પાછળ જેની ખર્ચાઈ રહી છે; આખે આખી જિંદગી

સાથે મારી તોય આવી 'ને પાછળ રહી ગઇ મૂડી

નાતો તોડયો એની સાથે; જે કુદરતે આપી જિંદગી

સંકટ આણ્યું નિજ હસ્તે 'ને પાછળ રહી ગઇ મૂડી

પ્રજ્ઞા આડા પડદા પાડ્યા; કરવા પૈસાની દોટ પૂરી

જીવન પર છે મોતની છાયા 'ને પાછળ રહી ગઇ મૂડી

ખુશી જે તોલી બધી પૈસે; તોય રહી ક્યાંક અધૂરી

મેળવવા જેને કર્યા દૂર સગપણ,તોય પાછળ રહી ગઇ મૂડી

હાઈ પૈસો હાય પૈસો કરી; લાલસા થઇ ન પૂરી

હસતો પૈસો 'કે મારે મડદે; તારી પાછળ રહી ગઇ મૂડી