હું કવિતા છું

*શીર્ષક :- હું કવિતા છું*

*******************************

ટુંકમાં ઘણું કહેતી ને અર્થભર ચૂપ રહેતી, હું કવિતા છું.

હૃદયને જોડતી લાગણી મુજમાં વહેતી, હું કવિતા છું.

છંદોબદ્ધ રહેતી, પણ છંદ મુક્ત થઈ લય કહેતી;

અર્થસભર, પ્રાસયુક્ત, કાનની કળા, હું કવિતા છું.

કવિહૃદયનાં ભાવજગતમાં સંવેદનાથી ચિતરાતી,

અસર કરતી ત્યારે જ મન પર, હું કવિતા છું.

શબ્દોમાં ગૂંથાતી હું ને લાગણીઓમાં સચવાતી,

વાંચવી સરળ, સમજવી અઘરી, હું કવિતા છું.

કાગળ કલમની ક્યાં જરૂર! હું કવિહૃદયમાં વસતી,

અનંતની ભાવના મુજમાં વહેતી, હું કવિતા છું.

✍️ સોનલ ટેલર