મારી લીલી લાગણી

*શીર્ષક :- મારી લીલી લાગણી*

*******************************

ક્યાંક નયનકોરથી વહી રહી છે, મારી લીલી લાગણી.

વાયદો તૂટ્યો ને ઢળી પડી છે, મારી લીલી લાગણી.

મન આશાથી ભરેલું મારું; તોય થાતું 'તું ડગમગ,

વિશ્વાસ કરી ફરી હારી ગઈ છે મારી લીલી લાગણી

એક વખતની વાત નથી; આ વારંવારની ઘટના,

તોય કદી ન સૂકી પડી છે, મારી લીલી લાગણી.

આભ ક્યાં ઓછું? તોય મારે હિસ્સે ખાલીપો જ,

એમાં અશ્રુ ભીની સરી છે, મારી લીલી લાગણી.

પ્રેમ ક્યાં ઓછો અહીં; પણ મમ્મીની યાદ આવે,

જન્મદિને ફરી ગૂંચવણ ભરી છે, મારી લીલી લાગણી.

✍️ સોનલ ટેલર