sonaltailor2457 કવિતા અને વાર્તા

*શીર્ષક :- હું કવિતા છું* ******************************* ટુંકમાં ઘણું કહેતી ને અર્થભર ચૂપ રહેતી, હું કવિતા છું. હૃદયને જોડતી લાગણી મુજમાં વહેતી, હું કવિતા છું. છંદોબદ્ધ રહેતી, પણ છંદ મુક્ત થઈ લય કહેતી; અર્થસભર, પ્રાસયુક્ત, કાનની કળા, હું કવિતા છું. કવિહૃદયનાં ભાવજગતમાં સંવેદનાથી ચિતરાતી, અસર કરતી ત્યારે જ મન પર, હું કવિતા છું. શબ્દોમાં ગૂંથાતી હું ને લાગણીઓમાં સચવાતી, વાંચવી સરળ, સમજવી અઘરી, હું કવિતા છું. કાગળ કલમની ક્યાં જરૂર! હું કવિહૃદયમાં વસતી, અનંતની ભાવના મુજમાં વહેતી, હું કવિતા છું. ✍️ સોનલ ટેલર 

*શીર્ષક :- મારી લીલી લાગણી* ******************************* ક્યાંક નયનકોરથી વહી રહી છે, મારી લીલી લાગણી. વાયદો તૂટ્યો ને ઢળી પડી છે, મારી લીલી લાગણી. મન આશાથી ભરેલું મારું; તોય થાતું 'તું ડગમગ, વિશ્વાસ કરી ફરી હારી ગઈ છે મારી લીલી લાગણી એક વખતની વાત નથી; આ વારંવારની ઘટના, તોય કદી ન સૂકી પડી છે, મારી લીલી લાગણી. આભ ક્યાં ઓછું? તોય મારે હિસ્સે ખાલીપો જ, એમાં અશ્રુ ભીની સરી છે, મારી લીલી લાગણી. પ્રેમ ક્યાં ઓછો અહીં; પણ મમ્મીની યાદ આવે, જન્મદિને ફરી ગૂંચવણ ભરી છે, મારી લીલી લાગણી. ✍️ સોનલ ટેલર

*શીર્ષક :- જણાવજો જરા* ******************************* મોનની મહેફીલ ક્યાં ભરાય છે? જણાવજો જરા. વિના વેણ કઈ રીતે બોલાય છે? જણાવજો જરા. ઉકળે મન ભીતર તોય ચૂપ શાને રહો! મૌન શાશ્વત કાં પાળ્યું છે? જણાવજો જરા. વાચ વિહોણી લાગણીનો ઉકળાટ વધે, ઉકળાટ મૌનની શમાય છે? જણાવજો જરા . લાગણીમાં મળ્યો વિરહ તોય આશ મિલનની, તીવ્ર લાગણીમાં ધીરજ ધરાય છે? જણાવજો જરા. રાહમાં મિલનની મન સળવળ્યાં છે વર્ષોથી, મૌનની મહેફિલ કાં છોડતા નથી? જણાવજો જરા. ✍️ સોનલ ટેલર

  લાગણી વિના જિંદગી બરફ ને હૃદય થીજેલું છે. લાગણીનો સ્પર્શ મળે માટે મન મીચેલું છે. વરાળ છે, ધુમ્મસ કે વાદળાં બંધાયા; વારિ બની વરસે, માટે મન મીચેલું છે. હસતો ચહેરો રાતે આવે છે શમણામાં, અકબંધ થઈ રહે, માટે મન મીચેલું છે. તરસ છે નજરોની ને જળ દીઠાં ઝાંઝવામાં, પાસ જતાં ઝાંઝવું દૂર ન થાય, માટે મન મીચેલું છે. હૂંફ મળે બહારથી તો બરફ બદલાય પાણીમાં, મિલન થાય પ્રેમથી, માટે મન મીચેલું છે.

 હંમેશા નવી વસ્તુ શીખતાં રહેવું જોઈએ. મને ક્યાં એની જરૂર પડવાની છે! તો પછી શા માટે....? સાંભળ,  ઘણી વાર નવી વસ્તુ ફક્ત આપણને કામ લાગે એટલે નહી, પરંતુ અન્યને આપણાં થકી મદદ થઈ શકે, અન્યને ઉપયોગી થઈ શકાય એ માટે પણ શીખી લેવું જોઈએ. 

ચાલ આજે એક રમત રમીએ, તું ને હું એપ્રિલ ફૂલ બનીએ. પેટ પકડીને જોરથી હસીએ, તું ને હું એપ્રિલ ફૂલ બનીએ. રડવાના મોકા જ વધુ દેખાય છે આ જિંદગીમાં, ચાલ એક હસવાનો મોકો રચીને, તું ને હું એપ્રિલ ફૂલ બનીએ. મીઠી તકરારનો ભાગ છે, આ રંગબેરંગી જિંદગીમાં; રુસણાં મનામણાં કરીને, તું ને હું એપ્રિલ ફૂલ બનીએ. મુરખ બને છે એ જે વિશ્વાસ કરે, આંખ મીંચીને જિંદગીમાં; બાળક બની, સૌ વાત માનીને; તું ને હું એપ્રિલ ફૂલ બનીએ. બહાનું છે એક પળનું, વાત કઈ ખાસ હશે એની જિંદગીમાં યાદગાર બનશે એ પળ માની લે, જો તું ને હું એપ્રિલ ફૂલ બનીએ.

 વ્યક્તિને સૌથી વધારે દુઃખી કોણ કરે? વ્યક્તિનો પોતાનો સ્વભાવ.